Општина Кавадарци беше домаќин на средбата на лица со инвалидност каде се презентираше и проектот „Стратегија за лица со инвалидност-ЛАПЛИ“.
Целта на проектот е зајакнато влијание на граѓанските организации кои работат со лица со попреченост во креирање на јавни политики во Општините Кавадарци, Градско и Чашка. Пред присутните се обрати градоначалникот на Кавадарци м-р Митко Јанчев кој посочи
“ Мојата изработка ќе биде заедничка со сите здруженија од општината кои се опфатени со таа реализација бидејќи така ќе се лоцираат сите потреби и ќе се изнајдат вистинските решенија. Од самиот почеток дејствуваме во интерес на лицата со инвалидност и попреченост. Досега општината има реализирано повеќе проекти во правец на создавање услови за подобрување на условите на овие лица и нивна поголема вклученост во општеството. Во неколку наврати се доделени електрични колички за инвалиди, изградени пристапни рампи во институциите, лифт за инвалиди во општината како и доделени парични рседства“.
Во оваа прилика Јанчев го промовираше и проектот со кој општината ќе обезбеди и возило комби за бесплатен превоз на инвалиди и лица со попреченост. Комби возилото со рампа е донација од СР Германија. Трошоците ќе ги обезбедува општина Кавадарци.
