Членови на општинскиот комитет на Унијата на млади сили на ВМРО-ДПМНЕ од Карбинци денеска реализираа превентивна акција за заштита на здфравјето на работничките и работниците и останати граѓани кои се изложени на тропските горештини.
Подмладокот на ВМРО-ДПМНЕ во Карбинци поделија ладна вода на минувачите во шпиц часовите кога работниците и работничките ги напуштаат своите работни места и мораат пеш на горештините да заминат дома од работното место.
Претседателот на УМС на ВМРО-ДПМНЕ од ОК Карбинци, Христијан Симов преку нашата редакција упати апел до своите врсници ширум државата да се заложат за подигање на свеста за превенција од негативното влијание на топлотниот удар помеѓу населението во Македонија.
Истовремено упати апел кон целата јавност за обрнување на поголемо внимание за здравјето на работниците и работните услови во трудово екстензивните дејности во Карбинци но и пошироко.
Акцијата беше спроведена во соработка со неговите другари-сопартијци а заедно во придружба со Претседателот на Општинскиот Комитет Виктор Паунов.
