Политичкиот субјект “Левица” чиј што еден од најистакнатите членови е професорот Димитар Апасиев реагираше во јавноста преку својата фејсбук страна во врска со обидите за заплашување и реваншизам против него како постојан и аргументиран критичар на Преспанскиот договор но и сите останати дефектни политики на актуелната власт предводена од Зоран Заев и СДСМ.
Новата Влада предводена од СДСМ противзаконски се обидува да изврши притисок врз нашите најистакнати членови!
Генералниот секретаријат на Владата, иако ненадлежен, испратил барање до Министерството за образование и наука, преку Државниот просветен инспекторат, да се прегледа досието на членот на Президиумот, Димитар Апасиев, во однос на неговиот докторат на УКИМ и работниот однос на Универзитетот„Гоце Делчев”. Се постапувало по анонимна претставка, што е изрично забрането со дури осум закони и подзаконски правни акти.
Левица ги повикува институциите да реагираат на ова флагрантно кршење на законите од највисоките државни институции, за што ќе биде поднесено и соодветна претставка.
Нашата борба е идеолошки чиста и нема да ви поминат ваквите обиди за заплашување и реваншизам!
-напишаа на фејсбук од “Левица” споделувајки го Задолжението од страна на Државниот просветен инспекторат во кој се бара инспекциски надзор на постапката преку која Димитар Апасиев се стекнал со звањето Доктор на политички науки.
