“Наместо шангајска листа, се стремиме кон Лас Вегас “!
Вака реагираат студентите на правниот факултет “Јустинијан Први” на намерата на државата да набавува апарати за коцкање за огромна сума на пари од 6.5 милиони евра.
Притоа студентите ја алармираат јавноста за можноста со овие пари што би можело да се направи во однос на нивниот стандард наместо мда се инвестира во хазардни активности на државата.
Во продолжение во целост ја пренесуваме реакцијата на оваа група на студенти преку социјалните мрежи:
“Наместо шангајска листа, се стремиме кон Лас Вегас
Со 6.5 милиони евра државата може да ги реновира сите читални, да ги дигитализира универзитетите, да ги покрие сите дополнителни трошоци кои студентите ги имаат кон факултетите, да поддржи научно-истражувачка работа, да финансира студентски културни центри и да отпочне процес на реформи за поквалитетно образование кои ќе ја обезбедат нашата иднина.
Сепак, последниве 30 години, приоритетите се други.
Вашите влогови ве молам.”
