Откако од Општинската организација на СДСМ ВИница упатија критика кон градоначалникот на општина Виница Миле Петков за чадот кој што вчера се емитираше во околната средина од депонијата во с. Лески, со своја реакција во јавноста се обратија од Општинскиот Комитет на ВМРО-ДПМНЕ од Виница.
“Бидејќи СДС изминативе 4 години не направи НИШТО за да ја стабилизира депонијата кај с.Лески, немаат поим за начинот на третирање на депонијата на природен начин.
Ајде да им појасниме како одат работите.
Депонијата вчера беше исчистена, порамнета и симната за неколку метри.
Пронајдени се местата од каде излеваат подземните гасови и истите се оставаат отворени 2-3 дена(од таму е чадот на сликата „која ја добиле СДС“) и потоа се третира депонијата со екстракт од морски алги.”
-стои во појаснувањето упатено до СДСМ Виница и пошироката јавност во Виница упатено од ОК на ВМРО-ДПМНЕ Виница.
Ама за да знаат нешто од СДС требало и нешто да работат кога ја имаа локалната власт.
Претходно градоначалникот Миле Петков благовремено информираше во јавноста за реализацијата на активностите со кои што се третира самата депонија.
