Денеска градоначалникот на општина Македонска Каменица заедно со повеќе други градоначалницин зеде учество на конференција на која се презентираше програма за можностите за промоција на општините во државата со цел за привлекување на странски инвестиции.
Во рамки на програмата која што ја спроведува НЕТИНГ Институтот во соработка со Агенцијата за странски инвестиции и Бирото за регионален развој на Република Македонија предвидена е поддршка за општините во рамки на добро обмислен процес, обука на градоначалниците како и конкретни директни средби со потенцијални инверститори од Дубаи и Обединетите Арапски Емирати..
“Денес на покана на НЕТИНГ Институт, а во соработка со Агенцијата за странски инвестиции и Бирото за регионален развој, заедно со повеќе градоначалници, учевствувавме на презентација на програмата “Перспективите на економската промоција на општините од Република Македонија во насока на привлекување на странски инвестиции”.
Програмата опфаќа обезбедување на поддршка на единиците на локалната самоуправа во процесот на привлекување на странски инвеститори, обука за градоначалници и средба со инвеститори во Дубаи, Обединети Арапски Емирати. Општина Македонска Каменица има неспорен потенцијал и природни ресурси за започнување на процес за економски инвестиции и зголемување на економската моќ. Насочени сме, покрај комплетното решавање на инфраструктурните проблеми, да се развиваме во неколку насоки и да изградиме општина – пример за сите други во регионот.”
-соопшти денеска за јавноста Димче Атанасовски- Градоначалник на општина Македонска Каменица во врска со рализацијата на овој процес.
