Од прес салата во централниот штаб на ВМРО-ДПМНЕ денеска од опозициската партија ја прозваа локалната власт на Виница предводена од градоначалникот на Општина Виница Ивица Димитров за несработените проекти кои ги ветил на граѓаните на оваа општина во нашиот регион.
За пратеничката Даниела Христова од ВМРО-ДПМНЕ Владата на СДСМ која што е 4 години на власт е најкриминална и најнеорганизирана во историјата на Република Македонија. Таа ваквите квалификации ги темели на низата на афери кои ја карактеризираат актуелната власт како и на нереализираните ветувања од нивните предизборни програми.
Целиот текст на прес конференцијата на Даниела Христова го пренесуваме во продолжение:
“Почитувани ,
Изминува четвртата година откако на власт е најкриминалната , најкорумпираната , најнеорганизираната Влада во историјата на Република Македонија. Влада , која за жал освен со низата криминални афери не може со ништо друго да се пофали, како на државно , така и на локално ниво во општините каде победија со поткуп и манипулации на народот. Ветуваа нови фабрики, училишта , градинки , нови патишта и булевари , ветуваа ,,живот за сите “ , а што добивме ?
Почитувани , Уште неколку месеци изминува мандатот на Градоначалникот на општина Виница – Ивица Димитров , а до денес НЕ видовме реализација на ниту еден капитален проект од програмата ,,Живот во Виница “ . Во 2017 год. во предизборната кампања , на граѓаните на општина Виница и околните населени места , им беа ветени :
-брана на реката Сушица
-булевар на влезот од градот
-затворен градски пазар -велосипедски патеки и кружни текови
– Ветија намалување на цената на водата и другите комунални давачки за 30% и намалување на таксите за јавна површина
– Локалната власт во предизборието на пезнионерите им вети реконструкција на Пензионерскиот дом
– на учениците од ОУ ,,Гоце Делчев“ спортска сала
– на учениците од ОУ ,,Никола Парапунов“ во с. Драгобраште ветија нов кров на училиштето
– Ветија отварање на нови работни места и зајканување на економијата во нашиот град , а со тоа и повисок животен стандард.
Сето ова остана само на лист ХАРТИЈА ! Затоа , сега……. и никогаш повеќе да не се повтори СДС во Виница !”
