Доѓањето на новата локална власт во Штип донесе и смена на раководните кадри во јавните претпријатија. Обичај на новите власти при превземањето на функциите беше колку што може повеќе да се обидат да ги оцрнат своите претходници. Таков беше случајот и со директорот на ЈП Исар. Имено, една од првите работи што ја направи новиот директор на ЈП Исар, Живко Тасев беше прес конференција на која тој спектакуларно излезе со изјава како неговиот претходник набавил дури 7000 метли. Тогаш на прес за медиумите тој изјави:
-Во рок од 9 месеци се набавени 7000 метли во вредност од 350 000 денари и ако се поделат на 20 работници, излегува дека за 30 дена се трошеле 35 метли
Меѓутоа на новиот директор Тасев не му требаше многу време да го надмине својот претходник кој го оцрнуваше. Па така во распишаната јавна набавка Тасев планира да набави неверојатни 8000 метли само од еден вид и плус уште стотина други видови на метли. Истото може да се увиди и од достапната тендерска документација.
Очигледно дека на новите власти битно им беше само да ги оцрнуваат своите претходници се со цел да седнат на удобните кожени фотељи. Како ќе ја оправда пред јавноста оваа набавка останува на директорот. Но, кога се знае дека излезе на прес и го оцрни својот претходник токму за метлите, по таа логика следува дека јавноста треба да го оцрни и новиот директор бидејќи не само што ќе набави толку голема количина на метли туку истата и ја зголемува (за повеќе од 1000 метли). Она што е сигурно е дека новите власти парите на граѓаните неуморно ги трошат а ефекти од истото трошење не може да се види и почуствува.
