Донација на две медицински возила од јапонската влада предизвика жестоки реакции на штипската политичка сцена. Членот на извршниот комитет на ВМРО-ДПМНЕ, Иван Јорданов преку Фејсбук статус реагираше за однесувањето на локалните власти во Штип. Тој во својот статус напиша:
-Денес половина влада заедно со градоначалникот на Општина Штип, лицемерно се промовираа и сликаа со јапонска донација на две медицински возила за Штипската Клиничка болница.Донацијата е за поздравување, но не и за промовирање, посебно ако на ова се додаде фактот дека ова донација на 26.06.2017 година ја има договорено претходното раководство на Клиничката болница во Штип.Господа од власта за “живот” престанете со сликање и манипулирање со народот, зафатете се со работа
Ваквата реакција на Јорданов следуваше по помпезното промовирање на донацијата од страна на градоначалникот Бочварски и директорот на клиничката болница Ален Георгиев. Имено, Бочварски и Георгиев во присутво уште на тројца министри од владата го потпишаа грантот за донација од јапонската влада. Целата оваа донација локалните власти пред медиумите се обидоа да ја претстават како своја заслуга, но вистината е сосема поинкава. Бочварски и Георгиев денес присустваа само на свечен чин и сликање а целата работа за тоа претходно ја завршија раководните кадри од ВМРО-ДПМНЕ.
Ваквата појава преминува во пракса на новите власти во Штип. Пред само неколку седмици заедно со министерката за образование Бочварски ја претстави како свој проект целосно изградена спортска сала во ООУ „Славејко Арсов“. Излезот од стагнација на градот и комплетната беизидејност за развој на Штип Бочварски очигледно ја гледа во проектите реализирани и започнати од ВМРО-ДПМНЕ. Меѓутоа граѓаните на Штип избраа нов „живот“ и очекуваат нови проекти.
Видео од моментот кога беше обезбедена донацијата од страна на властите предводени од ВМРО-ДПМНЕ
