Со пригодни настани денеска во Кочани беше одбележан патрониот празник на средното општинско училиште “Гошо Викентиев”.
Градоначалникот на општина Кочани Љупчо Папазов денеска со претставници на семејството Викентиеви, заедно со делегација на менаџментот на училиштето како и претставници на Сојузот на борци положија букети со свежо цвеќе пред бистата на Гошо Викентиев во дворот на средното општинско училиште.
“Средното општинско училиште „Гошо Викентиев“ денеска го одбележа патрониот празник.
По тој повод, свежо цвеќе на бистата на патронот положија делегации на Општина Кочани, училишна делегација, претставници на семејството Викентиеви и Сојузот на борците.
Денеска, на училишниот патронен празник беа прогласени и најдобрите ученици на генерацијата од сите три струки.
За ученик на генерацијата е прогласен Благоја Стојков, којшто истовремено е и најдобриот ученик од електротехничката струка. Од машинската струка за најдобар беше прогласен ученикот Даниел Манов, а од сообраќајната струка ученичката Јована Василова.
Од страна на директорот на училиштето беа доделени и благодарници на ученици за учество во воннаставни активности.”
-соопштија од општина Кочани во врска со одбележувањето на денешниот патрон.
