Бурните времиња на Македонската политичка сцена извајаа многу личности во херои, но и многу личности во прилика на подметнати кукавички јајца на Македонското политички милје!
Пратеничката од редовите на ВМРО-ДПМНЕ, Дафина Стојаноска која прва од редот на македонските парламентарки излезе со јасен и гласен став за Бојкот на Референдумот за промена на името на Република Македонија е новиот херој-жена во најголемата опозициона партија која скромно и достоинствено ја носи на своите плеќи борбата на својот народ од кој го црпи својот легитимитет на политичар.
Таа е жена која своите политички ставови ги интерпретира смирено, достоинствено, обмислено, ненаметливо и секогаш со народен јазик. Таа е вмровка која не отскокнува од заедништвото со народот, таа е олицетворение на Македонска жена која во себе носи сила, слобода и традиција, светла визија и знаење, независност и фактографски изграден став.
Во продолжение ја пренесуваме прес конференцијата на Дафина Стојаноска во врска со актуелниот политички прогон од страна на власта предводена од Зоран Заев врз сите политички неистомисленици:
Зоран Заев е исплашен од храброста и решителноста на македонскиот народ кој не потклекна на сите притисоци и манипулации и на референдумот покажа дека по ниедна цена нема да поддржи антидржавни политики со кои се брише името Република Македонија, идентитетот, историјата, традицијата и културата.
Зоран Заев е во паника затоа што не помина неговата капитулација и граѓаните го осудија обидот да добие амнестија за сопствените криминали преку штетниот договор со кој ги прифати грчките црвени линии.
Затоа Заев тргна со реализација на планот Б, а тоа е игнорирање и газење на волјата на сопствениот народ. Заев тргна со обид да ја заплаши опозицијата преку нарачан политички прогон и злоупотреба на институциите. Заев е свесен дека ВМРО-ДПМНЕ било со народот и дека секогаш ќе стои на браникот на државните и национални интереси и затоа сега бара помош од неговите послушници во СЈО.
Вчерашниот настап на СЈО е уште една потврда дека Македонија не е веќе правна држава. Не постојат ни закони, ни Устав. Катица Јанева си чита имиња и сама ги суди. Катица Јанева сама закажува рочишта, ги диктира процесите и ги прозива судиите што не и се по волја. Зоран Заев ги нарачува предметите и кажува која мерка и која пресуда е преостра или преблага. Вака функционира партиско – политичкиот прогон со кој што треба да се скрши македонскиот отпор. Вакво силување на правото и правдата во моментов нема во ниту една демократска земја.
ВМРО и Македонија издржале низ историјата многу ликови како Зоран Заев и неговите извршители. Ќе биде издржан и тој и сите злодела на неговиот криминален картел. Македонија ќе победи, а одговорност за се што прави Заев и неговите послушници ќе има кога ќе се врати правната држава.
Додека Зоран Заев го гази правото и правдата и нарачува истраги и пресуди, трае општиот грабеж кој го реализираат неговите роднини и соработници. Додека Заев тргува со највисоките државни и национални интереси спротивно на волјата на народот, неговиот брат Вице си купува комбинати по цена на гарсониера, си добива лиценци за одгледување марихуана, гради и ископува каде сака, колку сака и како сака. Камиони на Заеви се ангажираат од државни компании, милиони евра се делат за криминални иновации, а ликови како Кочо Анѓушев добиваат милиони евра од грчките даночни обврзници за фирми за кои читаме дека вределе многу помалку.
Со секој ден е се појасно зошто Заев бега од договор за независно и професионално обвинителство, но никој не успеал да бега вечно и вечно да се крие.
