Градоначалникот на општина Карбинци Виктор Паунов во јавноста ги промовираше двата нови спортски терени кои што од денеска започнуваат со користење од страна на спортистите во општината. Денеска на пригоден начин беа промовирани спортските терени во село Крупиште и село Карбинци. Покрај овие два спортски терени исто така ќе биде ставен во употреба уште еден спортски терен во селото Кучица во функција на развојот на спортот во општината.
Станува збор за реализирани проекти со вкупна инвестиција од 3.6 милиони денари, кои што се сретства обезбедени од Буџетот на општина Карбинци, со кои граѓаните добиваат репрезентативни спортски терени кои ќе ги користат секојдневно во иднина.
“Денес официјално е пуштено во употреба мултифункционалното игралиште во с.Карбинци, како и игралиштето во с.Крупиште. Со изградбата на овие објекти за спорт уште еднаш ја потврдуваме нашата заложба да градиме едно општество базирано на јакнење на духот и физичкото здравје кај младата популација на нашата општина.
Со нашите инвестиции, нашите ветувања стануваат реалност. 
“
-соопшти денеска во јавноста Виктор Паунов- Градоначалник на општина Карбинци.
