Пос неодамнешната прошетката на луѓето од ЕУ и НАТО работите стануват појасни. Би можело да се рече дека станаа сосема јасни, особено по посетата на германската канцеларка Ангела Меркел. Референдумот за промена на името, историјата и идентитетот, според нив, не е ништо друго освен еден предуслов од многуте други предуслови за влез во ЕУ и НАТО. Како поинаку да се разбере изјавата на Меркел дека: „Референдумот ќе значи отворање на портите за Македонија за влез во ЕУ и НАТО“, но дека „… потребно е уште многу работа, но предуслов е успешен референдум.“ Тогаш, која е смислата да се излезе на Референдумот, кога тој не претставува никаква гаранција за членство, туку претставува само еден од многуте предуслови? Реално може да се случи македонската страна сè да исполни, но Грција, заедно со „меѓународната заедница“ да не ги исполнат ветувањата и ладно да порачаат дека сè уште не е дојден моментот за прием, бидејќи треба да се исполнат „само“ уште следниве пред/услови… Односно, да кажат дека ЕУ нема намера да се проширува. Тоа значи дека претходните денови низ Македонија продефилира променада на сè и сешто и на уште понешто, без да се дадат било какви гаранции, но дека Македонија, сепак, ќе мора сè да исполни. Тогаш, навистина, која е смислата воопшто да се излезе на референдумот? За ставовите на МАНУ, и на некои нејзини членови, во некоја друга пригода/непригода.
Извор: Фејсбук
