Пратеничката во Македонскот собрани Соња Михајловска преку социјалните мрежи објави вест дека во текот на наредната недела владата ќе донесе одлука за помош од 2 денари по кг откупена слива од Интервентниот фонд на Министерството за земјоделие, шумарство и водостопанство за производителите на сина слива кои што започнаа серија на протести во делчевскиот регион.
Според пратеничката на СДСМ од Делчево овие пари продавачите на слива ќе ги добијат до крај на тековната календарска година.
“Заеднички со #МЗШВ го застапуваме интересот на земјоделците од Пијанец.
За производителите на модра слива преку Интервентниот фонд на Министерството за земјоделие ќе биде обезбедена парична поддршка од 
денари по килограм откупена слива. Оваа одлука наредната недела ќе биде разгледана како точка на Влада, а се очекува производителите на сливи парите да ги добијат најдоцна до Нова Година.
Секогаш сум отворена за разговор со граѓаните, со цел да изнајдеме решенија за нивните проблеми.”
-информираше Соња Михајловска преку социјалните мрежи.
Додека траат ваквите егзистенцијални проблеми на производителите на слива во делчевско, богатиот род на сина слива веќе почна да паѓа на нивите и доколку не се собере ефикасно и навремено воопшто нема да има продажба/откуп на слива.
Проблемите на производителите на слива како и сите други земјоделци се резултат на зголемените цени на репроматеријалите од една страна гененериранио од зголемувањето на цените на енергенсите, зголемувањето на цената/ недостигот на работна рака, губење на дел од меѓународните пазари за дистрибуција на сина слива, доцнењето на субвенциите кои оваа пролет имаа поголема вредност наспроти инфлацијата која се одвива цело лето….
Помошта од 2 денари е добредојдена за овие земјоделци, но колку ќе биде искористена останува да видиме, затоа што самитеземјоделци се доведени во ситуација на огромни долгови и нерентабилност на нивната дејност.
