По огромниот број на негативни реакции кои што веднаш како лавина се пренесоа во јавноста од страна на студентите во врска со предлог законот за укинување на субвенционираниот студентски оброк, предлагачите од владеачкото мнозинство го повлекуваат законот од собраниска процедура.
Притоа пратеничката Моника Зајкова која е еден од предлагачите на овој предлог закон ги повика студентите на преговори во собранието за усогласување на истиот.
Дали власта ќе успее да ги скрати овие пари од и така скромниот буџет за помош на студентите останува да се дознае во иднина, но имајки предвид дека државата веќе нема пари речиси за многу од претходните воспоставени мерки за помош на одредени категории на граѓани, се поизвесно е дека ќе има болни кратења на многу ставки од мерките за граѓаните.
“
Законот за студентски оброк кој предизвика оправдани реакции меѓу студентите по однос на критериумите кои се вметнати во истиот се ПОВЛЕКУВА, заради усогласување во овој дел заедно со претставниците на студентите.
Јавно ги повикувам претставниците на Универзитетските студентски собранија на итна средба во Собранието на Република Северна Македонија во понеделник (14ти ноември) во 16.30 часот, сите заедно со министерот Шаќири да дискутираме по однос на овој дел од законот
се со цел да најдеме заедничко решение кое ќе биде системски воспоставено и ќе обезбеди здрав оброк на студентите, како што впрочем и беше првата намена.
Ова решение треба да прерасне во пракса за да се надоградува во годините кои следат по примерот на Словенија каде се применува долги години.”
-напиша Моника Зајкова на фејсбук по принципот “Пу-Пу- Не важи” откако виде каков револт предизвика со нејзиното работење во парламентот.
