Пратеникот од редовите на ВМРО-ДПМНЕ Иван Јорданов во вечерашното свое гостување во емисијата “Жешко политичко лето” говореше за повеќе актуелни прашања и случувања во МАкедонскиот парламент.
Во врска со прашањето за носење на измени на изборниот законик и за деталите во новите предложени измени во кои што се воведува можноста за гласање на граѓаните на т.н отворени листи и воведување на минимален изборен праг за освојување на советничко место во советите, Иван Јорданов соопшти дека ВМРО-ДПМНЕ е политичката партија која што побарале воведување на отворени листи.
“Денеска во собраниска процедура е предложен законот за измена на изборниот законик со кој што се предвидуваат одредени правила по кои што ќе се водиме на следните избори. Тоа што беше најчесто комуницирано е дали ќе имаме отворрени листи. ВМРО-ДПМНЕ покажа и докажа дека не бега од отворени листи и ние сме тие кои што овој предлог го ставивме на маса. Јас се надевам дека оваа измена на изборниот законик иако е само на два три месеци пред изборниот процес што е спротивно од препораките на ОБСЕ и ОДИХР, но тоа не е одговорност на опозицијата туку одговорност на власта, затоа што ние уште од март месец посочувавме дека треба да се случи промена на изборниот законик и да дојде до можност граѓаните да одлучат кој ќе ги презентира во советите на локалните самоуправи.”
-рече пратеникот Иван Јорданов во вечерашното гостување на Канал 5 ТВ.
Целото обраќање на Иван Јорданов може да се погледне во видеото во продолжение:


