Во недела 04.11.2018 година ќе се реализира трансверзална тура на планината Средна во атарот на селата Нов Истевник и Разловци.
Станува збор за особено интересна и лесна тура со посета на природни реткости и важни историски знаменитости во источниот дел на Македонија. Оваа трансверзална тура е за искачување вториот врв за овогодинешната сезона во рамки на Планинарскиот предизвик „12 Врвови“.
Врвот Бејаз Тепе е висок 1348 метри надморска височина на планината Средна во областа Пијанец помеѓу Делчево и Пехчево. Движењето на маршрутата е низ многу густа борова зимзелена шума крај природната геолошка реткост на земјени песокливи кули во месноста Кукуље па се до пределот каде пред 142 години било кренато славното Разловечко востание на чие знаме за прв пат било извезено и гордо слободарски развеано нашето име МАКЕДОНИЈА!
Технички карактеристики за потребите на настанот:
Трансверзална тура: с.НОВ ИСТЕВНИК – врв БЕЈАЗ ТЕПЕ (1348 м.н.в.) – с. РАЗЛОВЦИ
Патека на движење: с. Нов Истевник – Балабанска Маала (740 м.) – Кукуље (850 м.) – врв Бејаз Тепе (1348 м.) – с. Разловци (690 м.)
Должина: 15 километри
Вкупно времетраење: 5 часа (3 часа искачување и 2 часа слегување)
Тежина: лесна
Вода: нема (неколку непроверени кладенци недалеку од врвот) – задолжително носење на 1,5 л. вода
Знаменитости на посета: прородна геолошка реткост на земјени облици „Кукуље“ над с. Нов Истевник, Спомен дом на Разловечкото востание од 1876 во с. Разловци
Поаѓање од Скопје: 05:00 h од паркингот на Пошта 2 (Железничка/Транспортен Центар). Организаторите апелираат за навремено доаѓање на зборното место во Скопје бидејќи има 200 км. патување во еден правец.
Mожно е доаѓање со сопствен превоз.
