Времето во Македонија денеска ќе биде сончево со мала до умерена облачност.
Попладне на места облачноста ќе се зголеми и ќе има локални врнежи од дожд. Ќе дува слаб до умерен југоисточен ветер, кој во југоисточните делови повремено ќе засилува.
Утринската температура ќе се движи од минус два до пет, а дневната од 13 до 23 степени. Од денеска попладне следува период на променливо облачно време со локални врнежи од дожд и со умерен јужен ветер. Од среда дневните температури ќе се намалат за пет до седум степени.
