“Огнот” кој го запалија неколкумина првенци на Македонската дијаспора ширум светот, добива се повеќе на интензитет.
Во предвечерие на големиот семакедонски мирен протест за ослободување на неправедно осудените уставобранители кој ќе се одржи во недела на 24 април со почеток во 11.00 часот пред зградата на Владата на Република Македонија, социјалните мрежи вријат од реакции, коментари, графички банери и видеа со пораки за поддршка на овој настан.
Дел од организаторите од различни континенти во светот упатија свои видео пораки со кои го најавуваат овој настан:
За протестот своја поддршка упатуваат и сите општински комитет на ВМРО-ДПМНЕ. чиј што извршен комитет укажа дека го поддржува ваквиот протест, однапред со осуда на сите инфилтрирани провокатори кои можеби власта ќе ги уфрли во толпата за да предизвика немири и насилство
На самиот настан Химната на Република Македонија најави лично дека ќе ја пее нашиот оперски пејач Игор Дурловски, што секако ќе му даде особена тежина и огромни чувстваа и емоции кај присутните на настанот.
