За новогодишната ноќ и на 1-ви јануари Крушево го посетија околу 1 500 луѓе, претежно посетители од Македонија. На градскиот плоштад на настапот на Викторија Лоба присуствуваа меѓу 400 и 500 граѓани и посетители, а локалните кафулиња, ресторани, хотели и сместувачки капацитети беа исполнети.
Во текот на викендот што претстои за Божиќ и Бадник, Крушево очекува уште еден „налив“ од туристи заради богатата понуда на општината, чистиот воздух и препознатливоста на градот како туристичка дестинација.
На 5-ти јануари во Крушево ќе се одржи настанот „Дева – во чест на Новото раѓање“ кога цел град е опкружен со црвени ѕвезди и песни, празник и традиција карактеристични само за Крушево и Витлеем, Ерусалим. Во рамките на овој настан ќе се одржи и Божиќен базар во органзиавија на Крушевска жена. На 6-ти ќе се одржат две бадникови поворки во градот.
