Завршува расипничкото владеење на градоначалниците послушници, доаѓа нов живот во цела Македонија, порача лидерот на СДСМ Зоран Заев од вечерашниот централен митинг во Кочани. Според него, не бидува нова ера со стари, истрошени кадри кои ја искрадоа Македонија.
– После се, Груевски се дрзнува да кандидира старо-нови кандидати за градоначалници кои потоа ќе сака да ги контролира. Глас за градоначаник на Груевски, е глас директно за Груевски, подвлече Заев, додавајќи дека во Македонија правда ќе има.
Па која е правдата сега откако Заев е премиер? Тоа што два пати е аболициран? Тоа што не е зад решетки поради барање поткуп (едно евро за Виц’то) ? Тоа што две недели пред локалните избори масовно се ослободуваат од затвор убијци и криминалци, етнички Албанци поради неговиот договор со коалициските партнери ? Да Заев, правда ќе има откако ќе одговараш за злоделата кои ги направи на македонскиот народ и македонската држава!
Интересно, конечно на исто место се појавија “натпартискиот” кандидат на СДСМ за Кочани – Николчо Илијев и општинското раководство на партијата – Сашко Костов и Ванчо Петрушевски. Барем стоеја еден до друг. Дали Илијев ќе продолжи да се оградува за инцидентите кои се случуваат секојдневно и нерегулаторностите кои претстојат, останува да видиме. Пред присутните изјави:
“Сега е вистинскиот момент да воспоставиме нови стандарди на работење и живеење, да се ослободиме од партиските стеги. Имаме историска улога, да направиме промени кон подобро, имаме историска шанса да гласаме слободно на фер и демократски избори. Не можеме веќе да трпиме поделби на ваши и наши, да гледаме неправди, да возиме по раскапани улици, да бидеме партиски војници за парче леб. Време е да направиме вистински промени за поквалитетен живот.”
Збор зеде и носителот на советничка листа на СДСМ од Кочани – Томе Солевски. Тој како вистински социјалдемократ нагласи дека не е расположен за промени, бидејќи нова ера не му треба:
“Ние само бараме живот за сите, без разлика на полот, верата, возраста, етничката припадност. Доста беа поделби, доста не лажеа со мигранти и не труеа со национализам. Време е сите слободно да живееме во овој град…Затоа, заврши нивната ереа со проневера. Нова ера не ни треба.”
Митингот заврши со спектакуларен огномет, кој наликуваше на новогодишните прослави и концертите на Лепа Брена. Уште еднаш социјадемократите покажаа како домаќински се трошат парите.
