Узурпација на сијалично место од јавното осветлување во приватен двор во село Калузлија, општина Карбинци е причина за напад врз обидите на градоначалникот Виктор Паунов да стави ред во функционирањето на јавното осветлување во општината.
По невремето кое што го зафати селото Калузлија во текот на претходните неколку денови, беше причинето оштетување на дел од електричната линија која што го опслужува јавното осветлување кон селото Калузлија во општина Карбинци. Надлежната служба веднаш реагирала на терен за санација на состојбата но притоа на терен било воочено дека дел од уличното осветлување се користи на приватен имот, надвор од сите законски норми кои ја регулираат ваквата материја токму на таа делница каде настанало оштетувањето од невремето. Надлежните стручни служби ја регулирале злоупотребата со тоа што го отстраниле сијаличното место, без никакви последици по лицата кои што го користеле уличното осветлување во приватниот имот.
Со цел за подобрување на функционалноста на уличното осветлување на јавните површини во околниот простор, дополнително градоначалникот Виктор Паунов заедно со стручната служба предвиделе нови интервенции во наредниот период за жителите кои гравитираат во тој дел да добијат јавно улично осветлување на јавните површини каде што има потреба за тоа.
Ваквата постапка на надлежните служби предизвикала отпор кај две лица кои што за регионална телевизија го прозваа градоначалникот дека го укинал сијаличното место кое што од виде прилогот се гледа дека е на приватен имот. Но и покрај тоа градоначалникот согласно своите јавно декларирани определби, апелира на почитување на законски предвидените рамки во интерес на сите граѓани кои плаќаат улично осветлување за користење на истото на јавни површини онаму каде што е тоа потребно.
Извор: Општина Карбинци
