Во Центарот за култура „Бели мугри“ беше отворено 11. издание на културната манифестација „ Петровденски конаци“, со концертот на флејта и пијано под наслов „Вечер на македонски автори“
“Зачувувањето на посебноста на еден народ е поврзано со негувањето на традицијата, на неговите корени. Кочанци кон придонесот во културната историја на својот народ, ја вградуваат петровденската слава. Петровден останува вграден во нашето минато и токму со намера да ја заштитиме традицијата од заборавот, ја организираме и културната манифестација „Петровденски конаци“.
– изјавил градоначалникот Николчо Илијев.
Флејтиската Златка Митева и пијанистката Наташа Трбојевиќ настапија со дела од Стојан Стојков, Александар Џамбазов, Томислав Зографски, Љубомир Бранѓолица, Трајко Прокопиев и други македонски автори.
На програмата на „Петровденски конаци“ беше и ликовниот перформанс на кој ќе учествуваат Владимир Темков, Новица Трајковски, Љупка Галеска Василев, Игор Љубовчевски-Љубац, Гордана Винчич и Божица Милојевиќ.
