Рехабилитација на асфалтниот слој на двете коловозни ленти на булеварот Гоце Делчев на влезот од едната страна на Штип, како и изградба на тротоарите и уредување на разделната лента на булеварот е проект кој што се реализира во соработка на општина Штип и Државната компанија Јавни патишта. Досега во рамки на овој капитален ифраструктурен проект со кој што значително ќе се подобрат сообраќајните услови за сите граѓани кои гравитираат по оваа патна делница се изградени двата тротоари а денеска започна и рехабилитацијата ан коловозот. Конечното уредување на разделната лента на булеварот на оваа делница се очекува да финишира во есента која следува кога хортикултурно и со дрвни садници ќе биде облагороден овој јавен простор.
Градоначалникот на општина Штип Иван Јорданов изрази благодарност до јавното претпријатие за државни патишта за воспоставената соработка во рамки на овој проект.
“Од денес започнува уредувањето и реконструкцијата на влезниот булевар „Гоце Делчев“ преку Јавното Претпријатие за државни патишта.
Реконструкцијата предвидува асфалтирање на коловозните ленти на потегот од кружниот тек пред нас. Пребег, до кружниот тек пред нас. Железничка, кој е оштетен поради преголемата фрекфенција на товарни возила во изминатиот период.”
-соопшти Градоначалникот Јорданов денеска во јавноста.
