Со последниот ребаланс на Буџетот на Владата на Република Македонија предвидено е кратење на 600 илјади евра од проектот за изградба на новата Клиничка болница во Штип кој е главен регионален центар на кој му недостасува ваков капитален здравствен објект.
Со изградбата на Клиничката болница во Штип значително ќе се подобреа услугите за пациентите во Брегалничкиот (Источен плански) регион и буквално ќе беа спасени многу човечки животи.
Но со ваквите постапки на владата предводена од СДСМ одолговлекувањето на овој проект е поразителен факт кој ќе се одрази директно врз здравјето на огомен број на популација на овој дел од државата кои за субспецијалистички услуги че мораат да продолжат да патуваат за Скопје.
По однос на оваа проблематкиа наметната од актуелната Влада, своја прес конференција имаа и од ВМРО-ДПМНЕ реагирајки на овие поразителни факти:
Воопшто не е случајно тоа што ребалансот на буџетот помина далеку од очите на јавноста, во екот на предавничката промена на името. На вечерна седница на Владата на Република Македонија се намалија расходите за капитални инвестиции, а најголем удар беше зададен на здравството.
Во првата половина од годината, реализацијата на капиталните инвестиции беше само 11%, Владата ветуваше раст во втората половина, но тој процент не се зголемува и кон крајот на 2018 година.
Секојдневно се уверуваме во неспособноста на моменталната власт и нејзиниот мал капацитет за завршување на почнатите капитални инвестиции во нашиот град. Иако неколкупати и’ посочувавме на власта да го зголеми интензитетот на градба на Клиничката болница во Штип, сепак ниту наидовме на слух, ниту имаше интерес да се забрза работата.
Најголемиот апсурд настана минатата недела кога се намалија средствата за изградба на болницата. И колку и да звучи неверојатно, и како наизуст повторувано обвинување на опозицијата, за жал е вистинито.
Негрижата на пациентите од Источниот регион се отсликува во прекроениот Буџет на Владата. На почетокот од годината имаше средства за доградба на Клиничката болница, но на крајот истите средства беа насочени кон педесетина партиски вработувања.
Замислете, СДСМ за граѓаните од Источниот регион вака ја крои политиката – пари за болница нема, но пари за партиски вработувања секогаш има!
И додека болните од истокот лежат на дотрајани кревети, во несоодветни болнички услови и се судираат со недостаток на медицински материјал, кој пречесто го набавуваат и самите, Владата реши да скрати дури 600.000 евра за изградба на нова и современа болница.
Во моментов, работата на болницата е стопирана и никој од власта не се осудува да се соочи со граѓаните и да даде одговор зошто е тоа така и кога се очекува рестартирање на градежните активности.
Затоа, ВМРО-ДПМНЕ како одговорна и будна опозиција, ги повикува Државниот секретар во Министерството за здравство и самиот Министер за здравство да им образложат на граѓаните:
Како е можно да се обезбедат 1,5 милиони евра за набавка на лубриканти и пари за 50 партиски вработувања, а парите предвидени за градбата на новата болница во Штип да исчезнат со ребалансот на буџетот за 2018 година?
