Денеска во посета на општина Пробиштип беше ректорот на Универзитетот за туризам и менаџмент во Скопје, проф. д-р Аце Миленковски заедно со негови соработници.
Притоа во рамки на средбата со градоначалникот на општина Пробиштип беше потпишан Меморандум за соработка меѓу општината и универзитетот.
Во рамки на Меморандумот е предвидено доделување на 15 четиригодишни стипендии за идни студенти од Пробиштип на еден од шесте факултети во рамки на универзитетот.
“
Денес со ректорот на Универзитетот за туризам и менаџмент во Скопје, проф. д-р Аце Миленковски потпишавме меморандум за соработка која би се одвивала во насока на партнерство и поддршка за аплицирање и реализација на проекти во иднина.
Воедно меморандумот вклучува и доделување на 
стипендии за академската 2022/2023 година, истите опфаќаат четиригодишно стипендирање, а ќе се доделат на ученици од нашата општина, кои ќе можат да се упишат на еден од шестте Факултети во склоп на Универзитетот.Благодарност до ректорот и неговиот тим за укажаната можност, се надевам на идна успешна соработка.”
-соопшти Градоначалникот на општина Пробиштип Драган Анастасов.
