Фасцинантите потекла на имињата на земјите од Јужна и Средна Америка се движат од легендарни владетели па до имиња на реки кои на индијанските јазици значат “Реки на обоените птици”.

Името Бразил, доаѓа од бразилското дрво “pau-brasil” на португалски, додека на латински се наркеува “Caesalpinia echinata” кое растело во голем број на атланскиот брег на овие земји, и на кое Португалците први налетале.

Името Мексико доаѓа од ацтечката престолнина која се нарекувала “Meksiko-Tenohtitian”, со што е одлучено Нова Шпанија, после стекнувањето на независност да се преименува, но никој до денес не знае што означува самото име.

Името Колумбија, доаѓа од името на Кристофер Колумбо, името кое требало да ги обедини сите поранешни шпански краеви на Јужна Америка во една држава.

Името Аргентина потекнува од латинските зборови “Argentum”, односно сребро што на шпански значи “plata”. Легендата е по текот на целата река лежи планина полна со сребро, а во 16-ти век целата река го добила името “La Plata”, односно Сребрена река. По некое време целата област, а подоцна и државата го добила името Аргентина.

Перу, своето име му го должи на човек по име Биру, кој бил локален владетел во 16-ти век. Кога дошле Шпанците, целата област ја нарекле по него.

Венецуела, своето име му го должи на човекот по кој подоцна е именуван и целиот континент, Америго Веспучи. Имено, во 1499 година, тој бил навигатор во експедицијата “Alonsa de Ohede”. Кога се приближил до езерото Маракаибо, тој се потсетил на Венеција, при што целиот регион го именувал како “Veneciola”. Венецуела во превод значи “Мала Венеција”.

Државата Чиле, името го добила по називот “Tili”, владетел кој бил покорен од Инките во 15-ти век. Но сепак, некои веруваат дека оваа држава името го добила од индијанските зборови за “Крај на светот” или “Галеби”.

Државата Еквадор, името го добила поради екваторската позиција, додека Гватемала името го добила благодарение на називот на домородците за “Место со многу дрва”. Куба, своето име му го должи на називот на домородскиот јазик што во превод значи “Плодна земја”, додека името Хаити во превод значи “Земјата на високите планини”.

Државата Боливија, името го добила во чест на Симон Боливар, кој го ослободил целиот континент од шпанските колонијални сили.

Името Парагвај доаѓа од името на реката Парагвај, која доаѓа од гуаранскиот јазик.

Хондурас, на шпански буквално значи “длабочина”, а името го добила благодарение на заливот Трухиљо, каде што се усидрил Кристофер Колумбо кој подоцна ги изговорил зборовите “Фала богу се спасивме од тие длабочини”.

Доминиканската Република првобитно се нарекувала Санто Доминго, односно Света Недела, како што денес се нарекува главниот град на оваа држава. Со текот на времето, започнал да се користи називот Доминикана, кој останал и денес.

Порто Рико, името го има добиено од називот “Borinken”, што значи “Земја на лошиот господар”, додека пак Панама името го добило, по називот на едно малечко село Панама, чие име во превод значело “Изобилие на риби”.

Државата Уругвај го добила името по реката Уругвај, од јазикот на гуараните. Името во превод значи “Река на обоените птици”, а целосното име на државата е “Република источно од Уругвај”.