На денешен ден (03 Октомври) пред 23 години во 09 часот и 50 минути утрото пред скопскиот хотел Бристол во центарот на Македонскиот главен град беше извршен обид за ликвидација на првиот македонски претседател во независна Република Македонија, Киро Глигоров.
Иако тешко повреден со шрапнели по телото и главата од бомбата поставена во автомобил кој бил паркиран пред Бристол хотелот, Киро Глигоров го преживеа атентатот по што по 3 месечно боледување се врати на обавувањето на своите работни обврски на претседателската функција.
Постојат разни варијанти и шпекулативни анализи во македонската и пошироката светска јавност за причините за атентатот на Киро Глигоров, што од денешна перспектива и оваа временска дистанца од 23 години може да се наведе (помеѓу сите други теории) и теоријата за притисокот кој тогаш се вршел од страна на повеќе домашни и странски фактори врз Претседателот Глигоров во врска со промената на Името на Република Македонија поврзана со Спорот со Грција.
Имено од страна на тогаш повеќе политички фактори и носители на јавни функции во државата до Претседателот Глигоров после промената на знамето на државата, пристигаа разно-разни варијанти и понуди за решавање на овој бесмислен билатерален спор, кои што Глигоров секундарно ги одбиваше.
Оттука легитимен е сомнежот дека неговиот атентат е поврзан токму со ова прашање за промената на Името на Република Македонија. Со оглед на моќната организациона позадина која што стои зад овој терористички чин, веројатно оваа вистина нема никогаш да се дознае, па оттука и појавата на вакви непотврдени теории е повеќе од потребна како превентива со оглед на актуелните модерни текови и политички притисоци врз целиот Македонски народ да се откаже од своето уставно име Република Македонија.
