ЈУ Национален парк Галичица, ќе го промени начинот на обезбедување средства за заштита на природата, за да се намали директното користење на природните ресурси, преку таканареченото „меко користење на ресурсите“.-
“ Со оваа сериозна подршка од Фондот за доверба и нашите активности, ќе се придонесе националниот парк да биде поблиску до националните паркови со подолга традиција. Како што се покажа и во минатиот период, државата не може финансиски да ја помога заштитата на природата во категоријата на заштитени подрчја, затоа се добредојдени ваквите начини на помагање и финансирање”
– изјави Андон Бојаџи директорот на ЈУ Национален парк Галичица.
Посетата и интересот на гостите и туристите од странство значително се зголемува , и се смета дека понудата за посета на овој вид на туризам треба да е квалитетна.
“ Во 2019 и 2020 целосно ќе се смени инфраструктурата, патеките. Ќе се изработи нова интернет страница и апликација за мобилен телефон со цел поголема информираност на посетителите во паркот” –
-додава Бојаџи.
