На 15 годишнината од загинувањето на Претседателот Борис Трајковски, заедно со 10-тмина негови соработници во близина на Сараево, денеска беше одбележан овој трагичен ден од високи политички фактори во Република Македонија.
Претседателот на ВМРО-ДПМНЕ со партиска делегација положи свежо цвеќе на вечното почивалиште на поранешниот Претседател на Република Македонија, Борис Трајковски.
Притоа Мицкоски ја упати следната порака на својата фејсбук страница:
„Верувам во Македонија!“ беа зборовите на Претседателот Борис Трајковски.
15 години подоцна нивното значење подеднакво е актуелно и значајно.
Претседателот Трајковски останува да се памети, како и неговите заслуги за нашата Македонија, а наша задача е да веруваме во Македонија и заеднички да ја создадеме иднината.
На Македонија и е потребно лидерство и победи! Тоа заеднички ќе го оствариме.
