Под мотото „За да бидеш модерен и фин, читај книги и биди ин“, в сабота на 9. март во 17.30 часот во АТК премиум клубот во Скопје, ќе биде промовирана книгата за деца „Моите омилени песни“ на авторот Смиља Христовска.
– “Зошто баш „Моите омилени песни“? Целта на насловот е секое дете да ја земе оваа книга во рака и да рече: Еве, ова се моите омилени песни! Сите ми се омилени! Сите сакам да ги читам! Оваа книга нека биде мала оддишка од сите таканаречени модерни технологии. Наместо едно дете да седи крај мобилниот или таблетот и го троши времето за нестварни фотографии и видеа, нека ја земе оваа книга во рака и нека извлече поука дека зад секоја цел стои голем труд, организација и желба да бидам подобар и успешен” – изјави авторката Христовска.
Книгата која содржи 50 песни за деца може да си ја набавите во продажните места на книжарницата „Топер“.
Промоција на книгата за деца „Моите омилени песни“
