Мите Костов Попули од Партијата на Власите во Македонија упати јавна поддршка за Професорката Гордана Сиљановска Давкова во вториот круг од Претседателските избори кои ќе се одржат во недела на 5-ти Мај.
Во продолжение интегрално го пренесуваме неговото обраќање до јавноста:
По повод вториот круг на претседателските избори, се обраќам до членовите и симпатизерите на ПВМ, да излеземе масовно на 5-ти мај во недела и да помогнеме да се врати правдата во Република Македонија.
Затоа што без владеење на правото и без правдина нема правна држава, а без правна држава не се оди во ЕУ и НАТО.
Глас за Стево Пендаровски е глас за Зоран Заев и сите криминали на власта, корупцијата, уривање на државата институциите и погазување на достоинството на секој еден граѓанин од оваа држава.
Со гласање и поддршка за професорката Гордана Сиљановска Давкова ние гласаме за враќање на правната држава и почитување на Уставот и законите, затоа што само така можеме да одиме напред и достоинствено да чекориме кон ЕУ и НАТО.
