Во секоја нормална земја властите и на централно и на локално ниво се трудат да направат нешто за да ги подобрат условите за живот на граѓаните, но тоа не е случај и кај нас…
Во Делчево половина од луѓето се отселија, некои сезонски, а некои ќе ги гледаме еднаш годишно…
Тие што останаа работат во текстилни конфекции за минимална плата, па дури и враќаат еден дел од парите кај своите работодавачи…
Нема младина… Едни се образуваат во другите градови и веројатно нема ни да се вратат овде, а другите чекаат можност да им се придружат на првите.
Делчево стана град на средношколци и пензионери.
Ама добро, не се локалните власти виновни за тоа секако.
Тие ги поставија латиничните букви кај новата црква и посадија цвеќиња на неколку места низ градот.
Еве сега ќе се гради и пешачки мост на Брегалница.
Не се властите виновни што ние не знаеме да препознаеме капитални инвестиции што ќе ги вратат младите во Делчево!
Ние сме виновни што сме вечно неблагодарни и што сме си ставиле во глава дека треба да се асфалираат улици, да се отвораат нови работни места и да се зголемуваат платите…
Пишува: Разловчанка Македонска
