Времето во земјава ќе биде сончево и многу топло со мала локална облачност.
Во западните делови ќе дува умерен ветер од западен правец, а во источните делови времето ќе биде постабилно и без ветер, УВ индексот ќе биде 9.
Утринската температура ќе се движи од 14 до 20 степени, а дневната температура од 29 до 39 степени.
Во првите два дена од наредната седмица се уште ќе биде топло, а во попладневните часови ќе има изолирана појава на пороен дожд и грмежи. Во среда ќе биде нестабилно на повеќе места и ќе дува засилен северозападен ветер, што ќе допринесе да има опаѓање на температурата за 7 до 9 степени.
