Денеска пред споменикот на паднатите борци од НОБ во Делчево своја прес конференција имаше Претседателката на Општинскиот комитет на Унијата на жени на ВМРО-ДПМНЕ од Делчево, Христина Смилевска.
Таа на сите Македонци им го честита денешниот празник а притоа ги прозва актуелните власти на СДСМ за лицемерие кон граѓаните, од една страна поништувајќи ги и негирајки ги Македонските национални вредности стекнати со Народно-ослободителната борба и АСНОМ а од друга страна поклонувајќи се пред споменикот на оние кои загинаа во таа борба.
Во продолжение интегрално во целост ја пренесуваме прес конференцијата на Христина Смилевска:
Почитувани граѓани, од името на Општинскиот комитет на ВМРО ДПМНЕ Делчево на сите граѓани им го честитаме празникот 11 октомври и докажувам дека остануваме доследни и истрајни во својата борба.
Почитувани граѓани на Делчево, денеска целото лицемерие на првите луѓе на СДСМ во Делчево излезе на виделина во јавност.
Денеска луѓето кои учествуваа во погазувањето на волјата на Македонскиот народ и разнебитувањето на Македонскиот национален идентитет без ни малку срам и доблест се поклонуваа пред споменикот и имињата на паднатите борци од Народно Ослободителната Борба. Борба која беше темел за АСНОМСКА Македонија, чиишто фундаментални вредности истите овие луѓе од СДСМ кои денес се поклонуваа во центарот на Делчево, најнемилосрдно ги погазија.
Очигледно е дека во СДСМ се скарани со чистата совест па можеме да бидеме сведоци на вакви трагични сцени на безобразно лицемерие и желба да се биде власт по секоја цена.
