Навивачката група “Фаланга” од Штип викендов го прослави јубилејот 30 години постоење.
Одбележувањето започна со видео најава на социјалните мрежи со краток промотивен клип
За петокот беше организирано дефиле со автомобили низ урбаниот дел од Штип а вечерта беше приредена спектакуларна “баклијада” на Исарот при што беа запалени голем број навивачки “бакли” чиј што визуелен ефект беше видлив од цел Штип но и подалеку од околните места.
Главната “фешта” на навивачите на штипска “Брегалница” беше во саботата пред и за време на натпреварот со ФК “Саса”, кога беше изваден на виделина целиот навивачки арсенал на штипските сини.
За целосен впечаток јубилејот беше прославен и со забава за младите со бендот ХОТЛАЈН како и локални ДЏ-и во Домот на млади во Штип.
