Од Општинскиот комитет на ВМРО-ДПМНЕ од Пробиштип денеска упатија писмена реакција преку социјалните мрежи во врска со реализацијата на проект кој што го има започнато претходната власт предводена од ВМРО-ДПМНЕ а сега актуелната власт од СДСМ го претставува како свој.
Во продолжение ја пренесуваме реакцијата на Претседателот на ОК на ВМРО-ДПМНЕ од Пробиштип, Д-р Маријан Миленковски упатена преку социјалните мрежи:
“Почитувани сограѓани,
Денес бевме сведоци на уште еден очаен обид на СДС за медиумска промоција и манипулација на граѓаните, во време на вонредна состојба, додека целиот државен систем и бизнис сектор е пред колапс, Македонија пред рецесија, а СДС си прават лична кампања и промоција на украден проект!
Жално е колку СДС ги потценува граѓаните, а истовремено безобразно ги лаже.
Граѓаните не се со краткорочна меморија, тие знаат, паметат кој започна да гради згради за социјално ранливите категории, а ако вие од СДС сте заборавиле, ние ќе ве потсетиме.
ВМРО-ДПМНЕ го изработи и овој проект (како и многу други кои дрско си ги препишувате како ваши), власта предводена од ВМРО-ДПМНЕ ги плати комуналиите и извади одобрение за градење. И тогаш, за жал, дојде СДС на власт и ги блокираше сите проекти.
Замислете, готов проект, веќе спремен за тендерирање, тие го чуваа во фиока, ЦЕЛИ ДВЕ ГОДИНИ! Зошто? За да се обидат да го претстават како свој проект или пак нешто сосема друго е било во игра?
Споменуваме тендерирање? Па да, оваа зграда ја гради фирмата на братот на Крсто Мукоски – па сами донесете заклучок!
За крај, зарем толку беше очајно раководството на СДС од Пробиштип да се рекламира во вонредна состојба, најпрво ги организираше своите партиски структури да делат хуманитарна помош (дел од нив тазе вработени во администрација), злоупотребувајќи ја организацијата на Црвен Крст за партиски цели, за да денес вршат увид во градежни активности, а всушност се дојдени за да се обидат да му помогнат барем малку за да се ублажи големиот изборен пораз кој следува на претстојните избори.
Запаметете, ништо нема да ве спаси од судот на граѓаните!
Тие ќе ви ја испорачаат казната за вашите големи лажни ветувања.”
