Интегрален став на Проф. Љубомир Цуцуловски:
ИСТОРИЈАТА СЕ ПОВТОРУВА. Повторно нѐ замајуваат. Мандатот е даден на човек кој има најголем број пратеници (46), меѓутоа без обезбедено парламентарно мнозинство (61 пратеник). Тоа ќе било направено н а к н а д н о. Значи, повторно е погазен Уставот (член 90), бидејќи едно е да се има најголем број пратеници, сосема друго е да се има и парламентарно мнозинство. Тоа не се исти поими/категории. Меѓутоа, ниту еден од присутните новинари не укажа на оваа суштинска разлика. Како таа да не постои.
Се чини дека историјата навистина се повторува, онака како што тврдел Хегел – еднаш како трагедија, вторпат како фарса. Дваесетина години покасно, Маркс додал дека историјата се повторува како фарса (на паљачовски начин) за да може човештвото полесно/повесело да се ослободи од старите предрасуди и навики. Меѓутоа, во Македонија историјата се повторува (сѐ повеќе и повеќе) како т р а ге д и ј а. За фарса, по сѐ изгледа, сѐ уште е рано. Секој мој коментар понатаму, сметам дека е непотребен.
