Несоодветната изградбата на нова фекална канализација во селото Лески во Општина Виница било причина за оштетување на ѕидови од семејна куќа, обвинуваат сопствениците на овој сега веќе ризичен дом за живеење.
Од фотографиите кои што до нашата редакција ги доставија овие оштетени жители на селото Лески може да се забележи дека од внатрешната страна ѕидовите на куќата се испукани со поголеми пукнатини но и забележливо е присуството на големо количество влага.


Проблемите за овие граѓани на Лески се појавиле откако од општината како инвеститор на канализацијата наложиле да се исече асфалтот кој што бил дел од улицата за да се постави канализационата линија, но потоа ровот бил несоодветно затрупан со земја без да се обезбеди нивниот имот од влијанието на атмосферските води.
За надминување на состојбата самите жители поставиле механичка хидро-изолација но проблемот не е решен.

Оштетените граѓани го повикуваат градоначалникот на Виница Ивица Димитровски да ги испрати надлежните да го дозавршат овој проект, со што состојбата на улицата ќе ја доведат до првобитната состојба со што ќе се овозможи соодветно одведување на атмосферските води настрана од нивната куќа.
Со попуштањето на ѕидовите на куќата загрозена е сигурноста за живеење во овој семеен дом.
За несоодветната изградба на оваа канализација претходно во јавноста реагираа и од ОК на ВМРО-ДПМНЕ од Виница.


