Општина Пробиштип утре (четврток, 17.09.2020 година) ќе биде домаќин на еден навистина симпатичен настан.
Станува збор за велосипедскиот настан “Мобилност со нула емисии на стакленички гасови за сите” кој што е во реализација на граѓанската организација Еко Логик од Скопје а под покровителство на општината Пробиштип. На настанот е предвидено да земат учество деца на возраст од 8 до 15 години со своите велосипеди и заштитна велосипедска опрема.
“Во организација на Еко Логик Скопје, а под покровителство на Општина Пробиштип, на градскиот плоштад се организира Велосипедски настан.
Сите заинтересирани велосипедисти на возраст од 8 до 15 години, повелете со вашите велосипеди на градски плоштад на 17 септември во 17 часот, понесете ги вашите велосипеди и кациги…
Ве очекуваме…
-стои во соопштението на општинската администрација од Пробиштип во врска со овој настан.
