До сите Македонски и светски јавни гласила во Европа, Австралија, Северна и јужна Америка претставници на Македонската дијаспора од сите светски мередијани упатија јавна повелба во контекст на актуелните геостратешки и политички процеси поврзани со Република Македонија.
Оваа повелба е една од двете кои што беа усвоени на конференцијата во градот Ејџекс во близина на Торонто, Канада на која учество зедоа поголем број на активни и репрезентативни Македонски организации ширум светот. Првата повелба се однесува на нелегитимното, против уставно и спротивна на народната волја -промена на Уставот и штетните меѓународни договори со кои се смени името на државата и идентитетот на македонскиот народ и се врши раздавање на Македонската историја
Текстот на оваа повелба го пренесуваме во целост во продолжение:
ПОВЕЛБА
Торонто, Декември 20, 2020
ТРГНУВАЈЌИ ОД ТОА ДЕКА НИЕ, денешните Македонци сме горди потомци и наследници на славните древни Македонци;
ПОТСЕТУВАЈЌИ ДЕКА Македонците од целот свет се гордеат на своето исконско етничко име – Македонци и тоа е единственото име со кое сакаат да бидат именувани;
СВЕСНИ ДЕКА Македонскиот народ и држава имаат само едно име, Македонци, односно Македонија со уставната категорија Република;
ЗАБЕЛЕЖУВАЈЌИ ДЕКА никој, вклучително и Владата на Република Македонија, никогаш немал легитимно ниту морално право да преговара за менување на македонското име или да разговара со некого околу некакви наводни „разлики“ околу името на Македонскиот народ и држава;
ПОЧИТУВАЈЌИ го природното право на секој народ и држава да си го избира своето народносно, национално и државно име;
ПОДДРЖУВАЈЌИ ја определбата на македонскиот народ да не прифаќа никакви измени, додавки или придавки на името Македонија/Македонци, кое беше потврдено на првиот Референдум на 8 септември 1991 година, а Собранието на Република Македонија со Декларација од 17 септември истата година ја потврди народната волја, што потоа се изрази и со Уставот на Република Македонија донесен на 17 ноември 1991 година; и неуспешниот Референдум за 30 септември 2018 година кога мнозинството Македонци одбија да учествуваат во самоуништувањето;
ПОТСЕТУВАЈЌИ ДЕКА Македонците постојано изразуваат загриженост и одбивност кон сите обиди за однародување, обесправување и претопување на Македонците кои живеат на својата етно-историска територија, како и во други држави;
СВЕСНИ ДЕКА обидот на Грција да го проблематизира името на Република Македонија беше обид да се тргне нашето и светското внимание од етничкиот и културен геноцид кој Грција го спроведуваше и сеуште го спроведува во егејскиот дел од Македонија врз тамошните домородни Македонци уште од окупацијата на овој дел во 1912 година;
ЗНАЕЈЌИ ДЕКА ни еден поединец, држава или меѓународна организација нема право да наметнува промена на името на еден народ или држава;
УБЕДЕНИ ДЕКА присилното менување на Уставот на Република Македонија и исфрлањето на АСНОМ-ските решенија со цел менување на државното име, како и следователните договори (Преспанскиот договор помеѓу Димитров и Коѕијас, и договорот за Добрососедство со Бугарија) и спроведувањето на Тиранската платформа се крајно штетни за македонската држава и народ;
СВЕСНИ ДЕКА сите домашни или меѓународни договори кои во себе содржат недозволени предмети и се спротивни на јавниот морал, се потпишани со измама, како и тие кои се потпишани под присила и подреденост, можат секогаш да се раскинат со еднострана нота;
ГОРДИ НА ТОА ШТО сите етнички Македонци од светот, без разлика дали живеат во Република Македонија или во другите делови од етно-историска Македонија, пошироко на Балканот, или пак раселени ширум светот, без разлика на нивнта верска припадност или државјанство, се нераскинлив и составен дел од македонскиот народ и својата татковина Република Македонија, и според тоа имаат целосно право слободно да го искажат своето мнение за теми од семакедонски карактер;
ЗАТОА НИЕ, Управата на Организацијата Обединети Македонци во Канада, заедно со сите наши членови, во својство на национален претставник на македонската заедница во Канада, како и Управите на македонските црковни општини, го усвојуваме и обнародуваме следниов
ПРОГЛАС
за неменливост на името Македонија, односно Република Македонија и целосно заштитување на македонските национални интереси при изнаоѓање македонски пат кон иднината
1. Даваме целосна поддршка на македонскиот народ преу протести да го искаже своето несогласување со велепредавничката политика на „Владата“ на СДС предводена од Зоран Заев и ги охрабруваме уште помасовно да се воздигнат со цел рушење на режимот;
2. Ги охрабруваме сите собраниски македонски партии да ги искористат сите собраниски алатки, како и вонсобраниски партии да ги користат вонсобраниските алатки, со цел рушење на режимот со кој ние целосно имаме раскинато секави врски;
3. Целта треба да биде воспоставување привремена Влада за национален спас која во најскоро можно време ќе организира слободни избори;
4. Привремената Влада за национален спас мора веднаш да ги ослоободи сите политички затвореници во Република Македонија, вклучително сите Уставобранители;
5. Идната Влада на Република Македонија веднаш, безусловно и неотповикливо да ги извести Организацијата Обединети Нации дека државата ќе го продолжи своето членство во ООН и во сите други меѓународни организации исклучиво под своето историско име Македонија, со уставната одредница Република и дека повеќе нема да прифаќа привремени, понижувачки и наметнати имиња;
6. Идната Влада и Собранието на Република Македонија да ја потврди важноста на Декларацијата/Одлуката од 3 јули 1992 година и со нова Одлука да се обврзе сегашната и секоја идна Влада да не смее во никој случај да разговара за менување на името или да разговара за разлики околу името со ниедна друга држава или меѓународна организација;
7. Идната Влада и Собрание на Република Македонија еднострано да ги раскине сите штетни договори со испраќање нота до ООН и вклучените држави;
8. Под итно идната Влада на Република Македонија треба да отпочне сеопфатна и добро смислена дипломатска офанзива за целосно свртување на светското јавно мнение на наша страна со вклучување на услугите на некоја светски позната фирма за насочување на јавното мнение во полза на македонската вистина. Да се искористат стручните услуги на врвни стручни лица, вклучително и бројните врвни македонски стручњаци ширум светот;
9. Да се искористи и вклучи во народното дело потенцијалот на македонското иселеништво за лобирање во своите средини;
10. Овој Проглас се доставува до „Претседателот“, „Владата“ и „Собранието“ на Република Македонија, државните установи, политичките партии, јавните гласила, Македонците ширум светот и до меѓународната заедница.
Потписници:
1. За Организацијата Обединети Македонци во Канада и македонскиот православен манастир Св. Илија – Драги Стојковски, претседател;
2. За Македонското меѓународно движење за човекови права – Бил Николов, претседател;
3. За Македонското движење за човекови права од Њу Јорк и Њу Џерси – Драган Славковски, претседател;
4. За Леринското околиско здружение – Грегори Цанев, претседател;
5. За МПЦ Св. Климент Охридски, Торонто – Владе Димитровски, претседател;
6. За МПЦ Св. Илија, Мисисага – Ацо Крстевски, претседател;
7. За МПЦ Св. Димитрија Солунски, Маркам – Бале Гајтановски, претседател;
8. За Св. Недела, Ејџакс – Славе Бунтевски, претседател;
9. За МПЦ Св. Никола, Скарборо – Митко Ѓурчевски, потпретседател;
10. За МПЦ Св. Наум, Хамилтон – Кочо Стериовски, претседател;
11. За МПЦ Св. Богородица, Кембриџ – Петре Медичков, претседател;
12. За МПЦ Св. Никола, Виндзор – Менде Талевски, претседател;
13. За МПЦ Св. Кирил и Методиј, Сидер Гроув, Џу Џерси – Пецо Димовски, претседател;
14. За МПЦ Св. Никола, Тотова, Њу Џерси – Иван Марковски, претседател;
15. За МПЦ Св. Климент Охридски, Колеџ Поинт, Њу Јорк – Пецо Милевски, претседател.
Торонто, Декември 20, 2020
