Актуелниот градоначалник на Штип пред да седне на фотељата на оваа функција пред граѓаните на Штип не бираше зборови со кои ќе им ветуваше многу работи, реални и нереални. Како доказ за тоа се неговите бројни изјави и статуси на социјалните мрежи. Еден таков статус е тој во кој ги уверува граѓаните дека нема да има двојазичност во Штип, дека нема да има двојазични униформи и двојазични пари.
Меѓутоа по се изгледа свесно сето ова Бочварски го лажел, а лагите веќе една по една излегуваат на виделина. Законот за двојазичност со кој се планира да има двојазични пари и двојазични униформи на целата територија на Република Македонија беше изгласан минатиот четврток од парламентарното мнозинство предводено од неговата партија СДСМ.
Како на овие ветувања ќе одговори Бочварски останува да видиме, сега за сега упорно молчи и како да сака да ги прикрие овие негови изјави и пишувања. По се изгледа му беше битно само да се дојде некако на власт а тоа што се зборува и пишува како да беше помалку битно. Граѓаните ги паметат овие зборви и затоа му ја дадоа довербата, сега од него се очекува дека ќе си стои на зборот. До овој момент повеќе го докажува спротивното, односно тоа што го кажал обратно го прави.
