Од владеачката СДСМ на партиска говорница од седиштето на партијата на власт најавија дека ќе делат за граѓаните 15 милиони денари како бесплатни ваучери за летување за претстојната летувачка сезона.
Тоа би значело дека пари од Буџетот на Владата кои што се на сите граѓани на државата се злоупотребуваат за партиски цели (затоа што меѓу другото и од партиска говорница се најавува ваквата мерка) се со цел за да се дојде до глас повеќе на претстојните локални избори.
Со тоа се продлабочува јазот на партизираност на државата и јавните ресурси во интерес на една политичка партија (СДСМ) која што се обидува политички да профитира за следните избори.
Ваквата појава беше присутна и во текот на минатата година кога исто така беа делени ваучери на повеќе категории на граѓани, чија што материјална положба до која ги доведе истата оваа власт се злоупотребува во политички цели со пари на самите граѓани.
Ваквата пракса е грубо кршење на уставот и законите во Македонија, што се случува на очиглед и со одобрување на целокупниот меѓународен фактор во функција на владеењето на Зоран Заев и СДСМ.
