Лефков алармираше за порастот на дефицитот на буџетско трошење што во пракса би подразбирало нови задолжувања на државата, додека нивото на поддршка за вработувања се намалува во однос на претходно дефинираниот Буџет чиј ребаланс се носи.
Дополнително Лефков алармираше за високите давачки за граѓаните наметнати од потребите на владата за реализација на нивните партиски политики на штета на сите граѓани. Тука е растот на стандардот на потрошувачката на семејниот буџет на граѓаните наспроти зголемувањето на невработеноста, можноста за инфлација на монетарен план, со што по правило ќе предизвика тонење на Македонија со драматично продлабочување на јавниот долг на државата.
Лефков обрна особено внимание во својата дискусија на трошењето на власта енормни пари на граѓаните за буџетски расходи за плати и надоместоци за администрацијата што предизборно би значело предизборен поткуп во функција на кандидатите на локалните избори од владеачката гарнитура.
Целото обраќање со уште повеќе аргументи за лошото буџетско планирање на власта преку актуелниот ребаланс може да го погледнете во продолжение:


