Сите се сеќаваме на култната сцена од филмот “Господарот на прстените: Двете кули” кога нашиот омилен волшебник на третиот ден од опсадата на тврдината Хелмс Дiп од страна на злите орки, доаѓа со прогонетата коњаница, од страна на изгрејсонцето и ја решава битката за 5 минути.
На сличен начин денеска на третиот ден од избувнувањето на огромниот пожар на планината Средна во село Нов Истевник од страна на државата беа пуштени армиски хеликоптери да го гасат пожарот кој во изминатите два дена опустоши огромни површини на нискостеблеста и огромни количини на преубава зимзелена борова шума. Во текот на понеделникот вечерта жители од селото Пасјак беа евакуирани од страна на надлежни органи, затоа што постоеше потенцијална опасност пожарот да ги проголта нивните домови.
Во текот на вчерашниот ден грашани и фирми во Делчево се организираа со донации да обезбедат пијалоци и освежување за луѓето кои пожртвувано го гасеа пожарот. На располагање на надлежните беа ставени армиски сили кои со лопати и останати алати интервенираа на пожарот.. Во неколку наврати во изминатите два денови надлежните соопштуваа дека пожарот е локализиран, но тој утринава повторно беснееше кон врвот Бејаз Тепе, но и странично во повеќе правци по падините на планината Средна.
