Денеска во емисијата “Што не е јасно” на ТВ Алфа свое гостување ќе има членот на Извршниот комитет на ВМРО-ДПМНЕ Драган Ковачки.
Во емисијата ќе биде отворена темата за одговорноста на Венко Филипче, за катастрофата што се случи во Тетово но и повеќе други актуелни теми.
Во продолжение ја пренесуваме најавата на водителот Љупчо Цветановски на самата емисија:
“Што не е јасно? 15.09.2021
ВЕЧЕРНА ШКОЛА ЗА ОДГОВОРНОСТ И МОРАЛ ЗА ПОВТОРУВАЧИТЕ ЗАЕВ И ФИЛИПЧЕ
Интервју со полковник Драган Ковачки
Како дојдовме до ова дереџе и станавме земја во која неодоворноста на власта е толку нормална и се подразбира, а би било вистинско чудо и жива неверица некој од властодршците да ја понесе? Зарем, некој во Македонија се’ уште се надева во будење на моралот кај Заев, Филипче и Стојанче, и треба ли да ги пратиме во вечерно школо за овие за нив, непознати и непоимливи етички доблести…
За тоа што, во вистинската смила на зборот, е морал и одговорност, во „Што не е јасно?“ слушнете од прва рака од полковник Драган Ковачки, војник од кариера и член на ИК на ВМРО-ДПМНЕ, безбедносен експерт кој ќе ни ја објасни и пародијата од парада со која власта ја не/чествуваше независноста – истиот ден кога се случи тетовската трагедија. Ковачки ќе ни ја објасни и итната потреба од реформи на системот со управување со кризи и фалинките во авганистанската авантура на Заевци.
Гледајте, само на Алфа во 18.15, веднаш по вестите…”
