Од штабот на функционерите задолжени да ги менаџираат негативните ефекти од катастрофата која што се случи во тетовската модуларна болница, кои што се на штета на нивните фотелји, не ги соопштуваат имињата на изгорените живи граѓани во критичната вечер на осми септември.
Во несреќата со превртувањето на автобусот во с. Ласкарци, имињата беа објавени со цел јавноста да биде целосно запознаена со оваа несреќа која што одзеде човечки животи.
Но во катастрофата во тетовската модуларна болница, имињата на жртвите се најстрого забранети да се соопштат во јавност.
Поради ваквата состојба во јавноста циркулираат информации дека всушност бројот на живи изгорените граѓани е многу поголем од тоа што се прикажува во јавност, а со тоа што државата не ги соопштува имињата на всушност се манипулира со бројката на загинати.
Аргументите на менаџерите на оваа катастрофа и нивните медиумски мегафони за заштита на приватноста паѓаат во вода, затоа што можат да објават иницијали и не мора да ги објавуваат целите имиња и презимиња на загинатите граѓани.
Како и да е јавноста останува покуса за овие факти а на тој начин и останува сомнежот за бројката на живи изгорените пациенти во тетовската модуларна болница.
Оваа катастрофа е една од најголемите и најпоразителните катастрофи кои што се имаат случено во Македонија во историјата затоа што станува збор за медицинска установа каде граѓаните одат да си го спасат животот, а поради околностите и условите во болницата, тие живи се изгорени во пластичните контејнери кои што немале ни дозвола за употреба од надлежните органи.
