За денешната собраниска седница како точка на дневен ред беше предлог законот за укинување на т.н. апанажа за пратениците функционерите и раководните работници кои ги именува Собранието односно назначува телото што тоа ќе го овласти, претседателот на Република Македонија и Владата.
„Целта на предлог-законот е да се укине правото на остварување на плата по престанување на извршување на функцијата на пратеник во Собранието, функционер и раководен работник кој го именува Собранието односно назначува телото што тоа ќе го овласти, претседателот на Република Македонија и Владата или т.н. право на апанажа, како и почитување на уставниот принцип на забрана за дискриминација врз основа на класно/социјално потекло и имотна, т.е. општествена положба. Предлог-законот одговара на моменталната економска, енергетска, здравствена и финансиска ситуација во време на прогласена кризна состојба и сметаме дека ова решение е во насока на задоволување на целите на овој предлог-закон“,
-стоеше во предлог законот поднесен до собранието од страна на двајцата пратеници на Левица Борислав Крмов и Димитар Апасиев.
Предлог законот не беше изгласан поради тоа што за него гласаа само 16 пратеници додека 13 беа против.
