По повод завршувањето на основното образование на учениците од ООУ “М.М.Брицо” Градоначалникот на општина Лозово Бошко Цветковски упати своја порака до полуматуранитет:
“Драги Ученици,
Завршивте едно поглавје од вашите животи…
Пред вас се отвораат нови патишта полни со предизвици кои ќе ве водат низ животот.
Некогаш ќе имате успони, а некогаш падови…
Чекорете до целта смело, гордо и достоинствено, без притоа да се обесхрабрите пред препреките на кои ќе наидете на патот кон успехот..
Секој нареден ден ќе ви донесе нови искуства и животни лекции кои ќе ве направат посилни и помудри..
Бидете горди на себе си, на своите дела како што ние се гордеме на вашите успеси…
Заедно со Тимот на ДОКАЖАНИ Професионалци од ООУ М.М. Брицо-Лозово, во изминативе години се искачувавте скала по скала, со нови знаења, чекор по чекор кон повисоки стремежи и идеали…
Секоја генерација е посебна на свој начин, но по тоа што успеав да ве запознаам на сите оние организирани заеднички дружења, за мене Вие сте УНИКАТНИ!!!
Затоа би ви порачал:
Останете такви какви што ве знаеме, радосни, палави, полни со живот, непоколебливи и хумани.
Потрудете се да ја зачувате чистотата во вашите срца, бидете луѓе, подавајте си рака, заеднички градете ја својата иднина.
Од мое Име и од Името на Советот на Општина Лозово, од се срце ви ја честитаме полуматурата и ви посакуваме искрени желби за успех во животот
Локалната самоуправа и ООУ М.М.Брицо остануваат посветени во создавањето услови за поквалитетна образование и креирање на млади и успешни кадри..
Секој Успех треба да биде пофален и Награден, па за таа цел Општина Лозово и ООУ М.М.Брицо-Лозово, оваа година поделија вредносни ваучери за:
Првенец на ГенерацијаLeon Ristovski
Гордост на ГенерацијаEva MitevaIvan NaunovIvan JovevskiDragana Ilievska
И беше покриена финансиски, полуматурската забава за сите полуматуранти..
Посебна благодарност би изразил и до ПЗУ ВИВАМЕД, Аптекарска Станица Жива-Фарм,Маринела-Лозово и ПСУ Ројал Дент кои во континуитет даваат свој допринос во афирмација на најуспешните ученици
п.с.Има Разлика..За нас нека зборуваат ДЕЛАТА “
-соопшти Бошко Цветковски- Градоначалник на општина Лозово.
