На особено задоволство на жителите на селата Аргулица, Козјак и Таринци во општина Карбинци, започна завршниот дел од постапката за изградба на нови улици во овие села.
Објавен е јавниот повик за избор на најпволен понудувач за изградба на предвидените улици преку Бирото за јавни набавки, по што ќе следува теренска операционализација на градежните активности во наредниот период.
Жителите на овие три села дочекаа после толку долго време повеќе да немаат проблеми со калта и прашината кои беа нивно секојдневие
Рокот за доставување понуди од заинтересираните економски оператори е до 12.08.2022 година по што ќе следува изборот на фирмата-изведувач и реализација на градешните работи на терен.
За градоначалникот на општина Карбинци Виктор Паунов реализацијата на овие улици е уште еден доказ дека со посветена и постојана работа на општинската администрација со негов менаџмент може да се направат неопходните промени во интерес на подобрување на секојдневието на своите сограѓани.
“Денес објавивме јавна набавка за изведба на 3 нови улици во повеќе населени места со вкупна должина од 600м.
Се работи за улици во село Аргулица, Козјак и Таринци.
Периодов кој ќе следи започнуваме со нивна реализација со што продолжува проектот општина Карбинци без кал! 
“
-информираше градоначалникот Виктор Паунов во оваа прилика..
